Mae Innovate Ruthin yn weledigaeth feiddgar i drawsnewid un o gampysau addysgol mwyaf hanesyddol Cymru’n ganolfan ar gyfer dysgu, arloesi a mentergarwch.
Gyda’i wreiddiau mewn canrifoedd o dreftadaeth addysgol, rydym yn creu campws lle mae addysg, ymchwil a busnes yn dod ynghyd i ddatblygu talent ac i gynhyrchu syniadau.
Ein nod yw campws wedi’i ddiogelu, sy’n cael ei ddefnyddio bob dydd ac sy’n ddefnyddiol ar gyfer y tymor hir.
Ein Pwrpas
Mae Innovate Ruthin yn bodoli i roi etifeddiaeth addysgol hynod o Gymru ar waith: campws sy’n creu cyfleoedd i ddysgwyr, busnesau a’r gymuned ehangach
Rydym yn credu y dylai addysg wneud mwy nag ymateb i newid: dylai helpu i ffurfio’r newid hwnnw.
Ein huchelgais yw amgylchedd lle mae pobl ifanc, addysgwyr, ymchwilwyr a busnesau’n gweithio ochr yn ochr ac yn dysgu oddi wrth ei gilydd.
Y nod yw ased cenedlaethol i Gymru.
Ein Gweledigaeth
Gweledigaeth i Gymru
Rydym yn datblygu un campws ar gyfer sawl defnydd: addysg ochr yn ochr â mentergarwch, technoleg a gwaith creadigol.
Gyda phartneriaid mewn addysg, busnes, diwydiant a’r sector cyhoeddus, ein nod yw creu cyfleoedd sy’n cryfhau ffyniant rhanbarthol.
Ein cenhadaeth yw sefydlu canolfan rhagoriaeth addysgol ac arloesi gynaliadwy sy’n gwasanaethu Cymru ac yn ymestyn ymhell y tu hwnt i’w ffiniau.
Gweledigaeth sy’n Cyd-fynd â Dyfodol Cymru
Mae Innovate Ruthin wedi’i ddylunio gydag egwyddorion meddwl tymor hir yn ganolog iddo. Mae ein gweledigaeth yn cyd-fynd yn llwyr â Deddf Llesiant Cenedlaethau’r Dyfodol (Cymru) 2015 drwy greu cyfleoedd y bydd dysgwyr yn elwa arnynt ac sy’n cryfhau llesiant cymdeithasol, diwylliannol, amgylcheddol ac economaidd cenedlaethau’r dyfodol.
Y Pum Ffordd o Weithio
Meddwl Tymor Hir
Creu cyfleoedd cynaliadwy y bydd cenedlaethau’r dyfodol yn elwa arnynt.
Cydweithredu
Meithrin partneriaethau rhwng addysg, busnes, llywodraeth a’r gymuned ehangach.
Atal
Buddsoddi mewn addysg, llesiant a chyfleoedd heddiw i leihau anghydraddoldebau a chryfhau cymunedau yfory.
Integreiddio
Dod â dysgu, arloesi, mentergarwch a diwylliant ynghyd i gynyddu’r effaith gymdeithasol ac economaidd.
Cynnwys
Gweithio â dysgwyr, teuluoedd, busnesau a chymunedau lleol i lunio’r dyfodol gyda’n gilydd.
Ein Gwerthoedd
Yr Hyn Rydym yn ei Gynrychioli
Parch
Dyma sy’n sail i bopeth rydym yn ei greu.
Tegwch
Datgloi potensial. Creu cyfleoedd i bob unigolyn.
Cymuned
Cydweithredu sy’n cael effaith. Yn gryfach gyda’n gilydd ar gyfer dyfodol gwell.
Rhagoriaeth Addysgol
Ysbrydoli rhagoriaeth. Hybu arloesi heb gyfyngiadau.
Pam Rhuthun?
Gan fod lleoedd rhagorol yn haeddu dyfodol rhagorol.
Am saith canrif, mae Rhuthun wedi bod yn gyfystyr ag addysg. Mae Innovate Ruthin yn parhau â’r stori honno ar yr un darn o dir.
Drwy gyfuno addysg gyda mentergarwch a phartneriaeth gymunedol, mae gennym gyfle i greu cyrchfan o bwys cenedlaethol sy’n cyfrannu at ffyniant ac enw da Cymru’n fyd-eang.
Mae hwn yn gyfle nid yn unig i ddiogelu hanes, ond i greu’r dyfodol.
Y Campws
Campws wedi’i Ddatblygu ar gyfer y Dyfodol
Bydd Innovate Ruthin yn un campws cysylltiedig lle gall pobl o bob cenhedlaeth ddysgu, gweithio a chreu.
Ffotograffiaeth: Charlie Dinh, Mai 2026.
Ymunwch â’r Daith
Helpu i Ffurfio’r Dyfodol
I drawsnewid campws addysgol hanesyddol yn ganolfan arloesi rhaid wrth gydweithredu. Boed chi’n addysgwr, arweinydd busnes, dyngarwr, cyn-ddisgybl neu bartner cymunedol, gall eich gwybodaeth, eich profiad a’ch cefnogaeth helpu i droi’r weledigaeth hon yn realiti.
Gyda’n gilydd mi allwn ddiogelu etifeddiaeth hynod wrth inni greu cyfleoedd i genedlaethau’r dyfodol.
Preifatrwydd
Sut Rydym yn Trin Eich Gwybodaeth
Nid oes ffurflen ymholi ar y wefan hon. Yr unig ffordd i gysylltu â ni yw drwy e-bost, felly'r unig wybodaeth bersonol sydd gennym amdanoch yw beth bynnag y dewiswch ei roi yn y neges honno.
Tecartz Limited sy’n masnachu fel Innovate Ruthin yw'r rheolydd data. Rydym yn defnyddio'r hyn a anfonwch atom i'ch ateb ac i barhau'r sgwrs, ac at ddim arall. Ein sail gyfreithlon yw buddiannau cyfreithlon, ar y sail eich bod wedi cysylltu â ni yn gyntaf.
Mae ein blwch post wedi'i gynnal ar Google Workspace, ac mae Google yn gweithredu fel ein prosesydd. Nid oes CRM y tu ôl iddo a dim rhestr bostio. Ni fyddwn yn eich ychwanegu at un heb ofyn i chi yn gyntaf.
Rydym yn cadw gohebiaeth cyhyd â bod y sgwrs yn weithredol, ac am hyd at 24 mis ar ôl i ni glywed oddi wrthych am y tro olaf, ac yna'n ei dileu.
Nid ydym yn cynnal unrhyw ddadansoddeg ein hunain ac nid ydym yn llunio proffil ohonoch. Mae dau wasanaeth yn sefyll rhyngoch chi a'r dudalen hon. Mae'r ffontiau'n llwytho o Google Fonts, felly mae Google yn derbyn eich cyfeiriad IP pan fydd tudalen yn agor. Mae'r wefan yn cael ei danfon drwy Cloudflare, sy'n gallu gosod cwci cf_clearance i wirio eich bod yn berson yn hytrach na bot, ac sy'n cyfrif ymweliadau tudalen heb ddefnyddio cwcis. Nid yw'r naill na'r llall yn dweud wrthym pwy ydych chi.
Gallwch ofyn i ni am gopi o'r hyn sydd gennym, i'w gywiro, i'w ddileu, i gyfyngu ar y defnydd ohono neu wrthwynebu'r defnydd ohono, neu i'w drosglwyddo i rywle arall. E-bostiwch contact@innovateruthin.co.uk a byddwn yn ymateb o fewn mis. Os ydych yn anfodlon â'r modd yr ydym wedi trin eich gwybodaeth, gallwch gwyno i Swyddfa'r Comisiynydd Gwybodaeth yn ico.org.uk.